Reshat Arbana dhe Kastriot Tusha - I Shtrenjti Poliçan

Kënga - himn, kushtuar Poliçanit. 

Pamje e qytetit

"Pallatet e Reja"

Banorët e Poliçanit kanë qenë shumë praktikë në emërtimin e lagjeve, që nuk është se janë shumë ç'është e vërteta, por edhe ato pak që janë kanë marrë emra që përshkruanin shumë qartë përkatësinë e lagjes. Kështu kemi lagjen "Bregu i Caushit" (s'e di pse), "Shkallët e Uzinës" - ngaqë pallatet shtrihen përbri dhe përgjatë këtyre shkallëve pastaj është lagjja "Poligon" - kuptueshëm ngaqë dikur ajo zonë përdorej për prova balistike, qitje, e thënë ndryshe. Lagjja "Në Qendër" dhe jo thjeshtë "Qendër" :D dhe "Pallatet e Reja" apo "Pallatet Lart". Qytet/Qytezë më praktik/e se kaq!... 

Spitali

Dikur, quhej "Spitali i Ri" (ai i vjetri ndodhej në lagjen "Kalluç"). Kam marrë vesh se vitet e fundit është përdorur si qendër pritjeje për fëmijët që vinin nga familje të ngujuara për shkak të gjakmarrjes (nga veriu i Shqipërisë). Ndërkohë që nuk di se për çfarë shërben aktualisht.

"Forca Poliçani"

Ulëset modeste të fushës sportive të skuadrës së futbollit të Poliçanit. Ekip i cili është në kategorinë e fundit, në vendin e fundit. Këta luajnë tamam për qejf, më poshtë s'kanë ku të bien. :)

Pamje e një pjese të qytetit

Mali i Tomorrit

Kliko mbi foton për ta parë në rezolucion të lartë.